कालीकोट जिल्ला अर्गानिक(स्थानिय)कृषि वस्तु उत्पादनका हिसावले निकै महत्वपूर्ण क्षेत्र हो । यहाँका समुदायले विगतमा आफैले उत्पादन गरेको कृषि वस्तुहरु आफुले खायर अरुलाई विक्रि गर्ने इतिहांस रहेको छ । जिल्लाका अधिर्कास स्थानमा रैथाने बालिको उत्पादनलाई बढावा दिदै आएका छन । कृषकले उत्पादन गरेका कृषि वस्तुको व्यवस्थापन पनि क्रमश हुंदै गएको छ । स्थानिय कृषि वस्तुको व्यवस्थापनका लागि २०६५ सालमा स्थापना भएको हिमचुली कृषि सहकारी संस्था लि.को २०६५ साल भाद्र २५ गते स्थापना पछि विभिन्न क्षेत्रमा उत्पादित वस्तुको व्यवस्थापनमा सहकारी अघि बढेको छ । सोही क्रममा २०६८ सालमा दुध डेरी स्थापना गर्दै दुधालु गाई पालन गरेको र २०७७ सालमा रास्कोटमा सुपथ मुल्य पसल संचालन गर्दै २०७९ साल देखि जिल्ला सदरमुकाम मान्म बजारमा स्थानिय कृषि वस्तु संकलन गर्दै विक्रि वितरणमा अघि बढेको छ । यस सहकारीको मुख्य क्रियाकलापहरुमा कृषि वस्तुको संकलन र बजारीकरण गर्दै आएका छौं । हाल यस कार्यलाई व्यवस्थित पार्नका लागि व्यवसाय विभागको गठन गरीएको छ ।